PGL – O primeiro prazo para se pré-inscrever nas Escolas Oficiais de Idiomas de todo o País está já aberto para alunado novo e aquelas pessoas que continuam a cursar estudos de idiomas nos centros oficiais.
O alunado de novo acesso deverá realizar umha pre-inscriçom em linha a través da aplicaçom informática existente para tramitar a sua solicitude de vaga, sempre antes do dia 15 deste mês.
Nem só aqueles candidatos que solicitam realizar estudos no 1º curso de nível básico por primeira vez se deverám pré-inscrever agora, mas também o alunado procedente das provas de classificaçom, o que se incorpora ao ensino presencial após superar as provas específicas de certificaçom polo regime livre, aquele que realizou um traslado de matrícula, antigos estudantes que nom estejam matriculados no curso oficial e o do curso anterior que tenha renunciado a matrícula.
Para todas pessoas abrangidas nesta classificaçom a pré-inscriçom remata na próxima quarta-feira, 15 de Julho. Para o resto de alunos o prazo prolonga-se até o dia 5 de Setembro. Em 16 de Julho publicará-se a listagem de admitidos de 1º de Nível Básico, devendo formalizar a martrícula entre 19 e 28 deste mesmo mês. Já no dia 16 de Setembro, publicarám-se as listagem de admitidos no resto dos cursos da EOI e as vagas que fiquem livres, devendo-se formalizar a inscriçom antes de 22 de Setembro. Os aptos na convocatória de exames de Junho nom precisam de se pré-inscriver.
Os documentos para realizar a pré-inscriçom podem-se consultar nesta ligaçom.
+ Ligaçons relacionadas:
- Pré-incriçom às Escolas Oficiais de Idiomas [Junta da Galiza]
- Condiçons gerais de aceso
- Provas de competência linguística, mais uma razão para estudar português [PGL, 30/06/2010]
