PGL – Som 40 as ‘tribos’ que componhem o assentamento neolítico da Festa da Pre-História da vila ponte-vedresa de Mos, e que decidírom exercer o labor de defesa do galego na nona ediçom da celebraçom.
A IX Festa da Pré-História de Mos terá um momento e lugar destinado à defesa da língua galega. Os encarregados serám os habitantes do assentamento neolítico, umhas 40 casas, os quais representarám um ritual de invocaçom aos espíritos da Mámoa de Pena Cova, com o qual pretendem solicitar protecçom para o nosso idioma.
O actor actor Eduardo Rodríguez “Tatán” encarnará o Grande Chamám, encarregado de transmitir a mensagem dos espíritos aos seus convizinhos. Além deste espaço, na Festa da Pré-História goza do apoio do artista gráfico de banda desenhada Kiko Da Silva, autor do cartaz da festa e que aproveitou para apresentar o último número da revista de humo galego que ele mesmo dirige, “Retranca”.
A Festa celebrara-se nos dias 6 e 7 de agosto, com projecçons de curta-metragens inspiradas na época pré-histórica, obradoiros sobre a vida da época, a novidade da exposiçom “Humor rupestre: Mostra de Vinhetas Cavernícolas” e as olimpíadas, nas quais os cavernícolas devem levantar umha pedra de quase 2.000 quilos empregando os métodos dos construtores de hai 4.500 anos.
+ Ligaçons relacionadas:
