PGL – O centro social da capital de Ponte Vedra, A Revira, organiza hoje, dia 7 de setembro, umha palestra que tratará desde umha perspectiva histórica o Reino da Galiza na época medieval.
O ato dará começo às 20h30 do serao no centro social., situado na rua Gonçalo Galhas 4, rés-do-chao. Trata-se de um percurso pola natureza, acontecimentos e importáncia do Reino da Galiza, relacionando-o com o cenário político da época e a evoluçom antes do século XVI.
O relator é o historiador Anselmo López Carreira, Licenciado em Geografia e História pola USC e doutorado pola mesma universidade. É também catedrático de História no IES Maria Solinho de Cangas do Morraço e professor-tutor da UNED no Centro Associado de Ourense, e doutor vinculado no Instituto “Padre Sarmiento” de Estudos Galegos. Além disto conta com umha nutrida produçom literária, com artigos em revistas e publicaçons de temática histórica e com mais de meia dúzia de livros.
+ Ligaçons relacionadas:
- Charla sobre o Reino Medieval da Galiza, terça 7 de Setembro [Blogue da Revira, 06/09/2010]
