PGL – O Centro Social A Gentalha do Pichel de Santiago de Compostela acolhe esta sexta-feira às 20h30 a palestra “A batalha da língua: tantos anos!” Nela debaterá-se desde distintas perspectivas acerca da luita pola normalizaçom e a preservaçom da língua do País.
Nesta interessante actividade estarám presentes representantes de distintos sectores de iniciativas sociais e políticas com a língua galega:
- Irene Veiga, co-fundadora da Associaçom “Gente da Barreira” e do Movimento Defesa da Língua (MDL), e trabalhadora no C.S. A Esmorga de Ourense.
- Alonso Vidal: Trabalhou com a AGAL e a Mesa pola Normalizaçom Lingüística e co-fundou o Movimento Defesa da Língua (MDL). Chefiou equipas de normalizaçom lingüística em diferentes escolas.
- Maurício Castro: Trabalhou na abertura do primeiro centro social do País, Artábria, e co-fundou o MDL.
- Isabel Vaquero Quintela: Integrante da CTNL (Coordenadora de Trabalhadores/as de Normalizaçom da Língua) e de Galego21. Trabalha como técnica em normalizaçom no SNL (Serviço de Normalizaçom Lingüística) da USC.
- Goretti Sanmartín Rei: Foi responsável nacional de língua do BNG. É Directora do Serviço de Normalizaçom Linguística da UDC.
Com a posta em comum das achegas dos participantes pretenderá-se responder às seguintes questons:
- Mudárom as atitudes lingüísticas dos galegos e as galegas desde que começaste a trabalhar neste campo?
- Achas que os resultados se correspondem com os que imaginavas há 20 anos?
- Achas que a resposta à substituiçom é suficientemente contundente?
- Que se fijo mal, se é que se podia fazer doutro modo? Que nom se fijo?
- Para além de posiçons normativas, achas que a relaçom com a Lusofonia foi a suficiente?
- A cissom entre o movimento normalizador reintegracionaista e isolacionaista é grande, ainda havendo vasos comunicantes. Pensas que poderá haver pontos de encontro no futuro?
- Grande parte da Galiza é já ambientalmente castelhanófona, que discurso deve ter o movimento normalizador em relaçom ao castelhano?
Cartaz da actividade
[prime aqui para ampliá-lo]
+ Ligaçons relacionadas:
- Analisamos os 20 últimos anos do movimento normalizador [A Gentalha do Pichel, 21/06/2010]
