PGL – A actual situaçom de crise e valores sociais é o centro de atençom do tema ‘O mundo cai’ com o qual o duo A Voleo, formado por Juan Antonio Vázquez e Araceli Tzigane, concorrem à ediçom 2010 de A Polo Ghit.
A influência do Brasil encontra-se tanto na música como na letra da cançom, pois a ideia de internacionalidade do galego e os toques do vizinho de além-mar som facilmente identificáveis.
‘O mundo cai’ é umha cançom elaborada sobre esquemas do Forró, umha dança típica das festas homónimas do norte do Brasil. A origem desta dança localiza-se tanto na Europa como em África, o qual casa perfeitamente com a universalidade da que goza a lusofonia. Assim, com um adereço de ska e mesmo trash metal, A Voleo trai-nos este Forró à galega para nos fazer bailar e cantar polo fim da pobreza da humanidade da que depende a insostível riqueza do primeiro mundo.
Nom é a primeira vez que o reintegracionismo concorre a este concurso, pois há dous anos, Projecto Mourente resultou finalista do concurso com o tema ‘Chulyboy’, e participou também na de 2006 com ‘Como os Caranguejos’.
Qualquer pessoa pode participar no A Polo Ghit de 2010 só com ter um usuário em Vieiros, o qual permite votar a cançom preferida.
‘O mundo cai’
{mp3remote}http://media.vieiros.com/apologhit10/A Voleo – O mundo cai.mp3{/mp3remote}
+ Ligaçons relacionadas:
