PGL – O Centro de Documentaçom Sociolingüística da Galiza, departamento do Conselho da Cultura Galega (CCG) convoca os Encontros pola Normalizaçom Lingüística, os décimo-terceiros consecutivos desde 1998.
Neles haverá lugar para a reflexom, o estudo e o debate da ampla variedade de assuntos relacionados com a promoçom do idioma galego, dirigido a profissionais e estudiosos da normalizaçom lingüística, a estudantes e às pessoas interessadas na problemática e as políticas lingüísticas na Galiza.
A focagem desta ediçom dirige-se à acçom da cidadania nas suas diversas expressons organizadas, assim como o seguimento de iniciativas e propostas e de revissom de acçons já realizadas. Na primeira, centrara-se a atençom na participaçom social e na iniciativa e acçom cidadás e posteriormente presentara-se umha reflexom, rematando com umha mesa redonda em que participarám os principais colectivos e plataformas comprometidas com a acçom social a prol do galego.
Na segunda sessom apresentará-se a Rede de Dinamizaçom Lingüística que está a artelhar a Secretaria Geral de Política Lingüística e revisarám-se experiências de intervençom no sector e reflexionará-se sobre o papel da língua na publicidade e no mercado. Os Encontros pola Normalizaçom Lingüística terám lugar na Faculdade de Ciências da Comunicaçom da Universidade de Santiago de Compostela, de 23 a 24 de setembro de 2010.
+ Ligaçons relacionadas:
