PGL – O Cineclube de Compostela celebra o próximo sábado 5 de Junho no Pichel os seus 9 anos de labor cultural. O nome do programa de actos, “Festa non conciliada” fai referência a um dos actos centrais da celebraçom, a apresentaçom do livro Non conciliados. Argumentos para a resistencia cultural.
Os actos começarám com a própria apresentaçom às 20 h e justo a seguir, terám lugar as projecçons e os concertos. 5 de Junho é a data escolhida polo Cineclube de Compostela para festejar o nono aniversário. Por isso mesmo se reservou a cita para apresentar umha publicaçom na qual pessoas achegadas ao Cineclube colaborárom. Non conciliados. Argumentos para a resistencia cultural gira ao redor da questom da resistência, as margens e, em definitiva, conceitos diametralmente opostos ao mandato do benefício e a exploraçom do homem por parte do homem. O crítico literário Issac Lourido, que também participa na publicaçom, será o encarregado de o acto inaugural.
Umha vez remate a apresentaçom projectará-se o filme musical The Cramps: Live at Napa State Mental Hospital, filmaçom do concerto gratuito que dérom The Cramps num sanatório mental do Estado de Califórnia en Junho de 1978. A seguir será o momento de zortzi/bederazti, umha curtametragem sobre o grupo basco Lisabö, que destaca por um original contraste entre a violência musical do grupo e os artificios técnicos. A entrada às projecçons é livre.
Para rematar, terám lugar os concertos do trio Urro, que repete participaçom nos aniversários do Cineclube; Emilio José, chegado recentemente do Primavera Sound de Barcelona; e encerrará com o rock’n’roll Los Ruines. O preço para as três actuaçons será de 3 euros.
+ Ligaçons relacionadas:
Non conciliados. Argumentos para a resistencia cultural
