PGL – O porta-voz para a Energia e a Indústria do Grupo Parlamentar do BNG, Henrique Viéitez, anunciou que o seu grupo apresentou una proposiçom de Lei de Comércio Interior que, entre outras questons, estabelece a obrigatoriedade de rotular os produtos em galego «como elemento diferenciador».
Ainda, Viéitez explicou que a normativa prevê a criaçom de um Conselho Galego do Comércio no que participem todos os sectores implicados; de um Observatório da Distribuiçom Comercial da Galiza, que funcione como instrumento consultivo para o sector e a Administraçom; e de um plano de equipamentos comerciais de incidência supra-municipal, com o propósito de reordenar o sector.
Finalmente, trás reiterar que este texto legal conta com o consenso do sector, reclamou que entre quanto antes no circuito parlamentário para poder debatê-lo e introduzir as melhoras necessárias.
