Procurar
Close this search box.

Partilhar

Apalpador

O Apalpador: personagem mítico do Natal galego, resgatado

Gerardo Rodrigues

Gerardo Rodrigues

A 31 de dezembro de 2006, o Portal Galego da Língua publicava o artigo O Apalpador: personagem mítico do Natal galego a resgate, acompanhado de um trabalho de José André Lôpez Gonçález por volta do gigante carvoeiro.

Na altura, Lôpez Gonçález explicava o porquê de redigir um trabalho a respeito e anunciava também o desejo de revitalizar a memória do Apalpador antes da tradiçom esmorecer definitivamente:

Fora em Maio de 2001 quando, os daquela directores de Vaga-lume, órgão oficial da Associação Galega Corredor do Henares, demandaram a quem isto escreve que dissesse algo sobre o Natal galego e achei que ser nabice não aproveitar. Assim foi como redigi para o número dous dessa publicação umas apressadas primeiras linhas sobre este personagem que é de necessidade recobrar para a nossa tradição antes que seja tarde demais.

20061231_o_apalpador_jose_andre_lopez

O Apalpador | Desenho: Leandro Lamas
O Apalpador | Desenho: Leandro Lamas

Um ano depois, a associaçom compostelana A Gentalha do Pichel pegou na encomenda e lançou umha campanha de difusom da figura do Apalpador, inclusive com a primeira interpretaçom gráfica do mítico personagem, da autoria de Leandro Lamas. Após o labor de conscientizaçom, no ano 2008 o Apalpador saiu pola vez primeira às ruas da Galiza, novamente da mão da Gentalha e com a colaboraçom da Associaçom Galega da Língua (AGAL).

A partir daí, a recuperaçom do Apalpador tornou-se em consolidaçom e depois já plenamente em normalizaçom, com um personagem mítico galego entrevistado na televisom pública do País e convertido em isca publicitária, estrela editorial e até assumido por instituições públicas. Atualmente, o Apalpador pode ser encontrado em toda a parte e mesmo é valorizado tanto polo pequeno comércio quanto polas grandes companhias multinacionais:

O valioso contributo de José André Lôpez findava do seguinte modo:

Valha este pequeno artigo para chamar a atenção da obriga de manter nas terras nas que ainda é vigorante o mito e recuperá-lo nas que já se perdeu, até fazê-lo universal no conjunto da Galiza, para alegria dos mais novos e goze dos idosos.

Nove anos depois da publicaçom de aquele trabalh, pode-se afirmar, sem dúvida, que o desejo por ele manifestado quando escreveu aquelas modestas linhas já é plenamente real, como provam as crianças que participárom este ano no certame escolar Conhecendo o Apalpador, organizado pola Fundaçom Artábria.

Apalpador

Relacionados

artigo

Os artigos dos topónimos no novo Nomenclátor

Juan Luis Fernández apresenta o livro Futebol Gaélico em Celanova

Colóquio sobre Tourists, go home? na Semana do Livro de Compostela (SELIC)

Lançamento do livro, Tourists, go home? em Pontedeume

Lançamento do livro Begonha Caamanho, na Corunha

Henrique Marques Samyn visita Compostela para falar sobre literatura negra brasileira

artigo

Os artigos dos topónimos no novo Nomenclátor

Juan Luis Fernández apresenta o livro Futebol Gaélico em Celanova

Colóquio sobre Tourists, go home? na Semana do Livro de Compostela (SELIC)

Lançamento do livro, Tourists, go home? em Pontedeume

AGAL © PGL desde 2002