AC O Facho – No dia 29 de setembro, terça-feira, a Agrupaçom Cultural O Facho enceta as suas actividades do período 2009-10 com a palestra «O governo Opus/P.P. e a sua política etnocida contra a língua galega», ministrada polo escritor Xabier P. Docampo.
Xabier Docampo é mestre, escritor, conta-contos, actor e director de teatro, guionista etc., mas o que melhor o define é o facto de ser um dos bons e generosos que canta o nosso Hino, dado que a sua existência está marcada pola defesa da nossa língua e cultura. O seu livro Cando petan na porta pola noite está considerada umha das cem melhores obras do século XX publicada no Estado espanhol. A sua obra A casa da luz foi levada para o cinema.
A conferência terá lugar, no dia 29 de setembro às 20 horas, na Fundaçom Caixa Galicia, sita no cantom Grande da Corunha.
+ Ligaçons relacionadas:
