Desde hoje está disponível nas livrarias da Galiza e Portugal o livro Apelidos da Galiza, de Portugal e do Brasil. Chaves e segredos da nossa onomástica do professor galego Diego Bernal Rico.
O autor, que já publicara anteriormente na Através um ensaio sobre o português brasileiro e as suas relaçons com o galego, debruça-se nesta ocasiom sobre a nossa antroponímia abordando a génese, classificaçom e significaçom dos nossos apelidos.
De onde venhem os nossos apelidos? Que significam? Que relaçom tenhem com outros apelidos de línguas europeias? Som algumhas das respostas que o público leitor achará neste interessante estudo, que conta também cumha seleçom de mais de meio cento de apelidos analisados pormenorizadamente.
Aliás, o volume é umha cuidada ediçom de 230 páginas, belamente ilustrado por Maurício Castro e prologado polo lingüista português Marco Neves.
