PGL – José-Martinho Montero Santalha é o entrevistado na secçom Cultura do novo número do Novas da Galiza (Novembro 2008), dando resposta às palavras proferidas polo presidente da RAG numha entrevista anterior, ao manifestar que a AGLP «nasce com modéstia, mas com grande desejo de trabalhar e fazermo-lo a sério».
O jornal soberanista foca também a sua atençom na Cidade da Cultura e «a voracidade» desse projecto que, embora as críticas da UNESCO, continua para frente com o apoio do BNG e do PSOE. Jacobe Pintor submete a crítica as posiçons de diferentes intelectuais e políticos galegos a respeito desse assunto.
A Reportagem desta nova entrega do Novas está voltada para o restauro de aldeias abandonadas e a desfiguraçom identitária que isso pode implicar. Ainda, na secçom A Fundo, o jornal estuda pormenorizadamente a crise do sector metalúrgico; em Opiniom, Nemésio Barxa fai umha leitura crítica do rascunho da Lei de Montes; e, na Análise, som tratados os inúmeros acidentes laborais acontecidos na Galiza no que vai de ano.
Além da realizada a José-Martinho Montero Santalha, o periódico de informaçom crítica publica, em primeira mão, entrevistas a Renato Núnez, coordenador do Movimento poios Direitos Civís; Roberto Bouça, organizador das Jornadas de Burela (Marinha); Blanca Garcia, presidenta da Associaçom Vicinal compostelana As Marias; e a remeira Eva Val, integrante da histórica ‘selecçom galega’ que acaba de conquistar a I Bandeira Feminina da Concha.
Ainda, com o jornal reintegracionista junta-se o segundo número do Suplemento A Revista, que oferece umha foto-reportagem sobre a Marcha Mundial das Mulheres, a primeira entrega da série ‘Percorrendo as paisagens galegas’ e umha nova secçom humorística da mao da Plataforma Sei o que…
Finalmente, acompanhando as secçons habituais e a actualidade informativa, assinam artigos de opiniom Miguel Garcia, Lídia Senra, Ramón Sola, Artur Alonso Novelhe, André Rodrigues, Valentim R. Fagim, e Leo F. Campos.
 |
 |
Clicar em cima das imagens para ver as capas em tamanho grande
