PGL – A Junta do Ateneu Ferrolano comunicou aos seus sócios e à populaçom em geral a decisom de nom celebrar o Concurso Internacional de Gaita Galega “Constantino Bellón” na sua ediçom de 2010.
As motivaçons som similares às que já levara no ano passado, na sua 19ª ediçom, a adiar uns meses a celebraçom do concurso. A que seria a 20ª ediçom do certame terá de aguardar a 2011 polos seguintes motivos:
- Os recortes orçamentários
- O abandono dalguns apoios institucionais.
- A escassa margem de tempo desde o remate da 19 ediçom em março de 2010
- A demora em receber resposta das entidades às que solicitárom ajuda
Todos estes condicionantes impossibilitárom para desenvolver em tempo e forma a convocatória de 2010, ainda contando com o apoio do Concelho de Ferrol, que foi determinante para poder realizar a passada ediçom e que também apoiará a ediçom do CD com a gravaçom do CD do “Constantino Bellón de 2010, que sairá em breve.
O Ateneo Ferrolám prevê poder celebrar a ediçom do ano próximo nas datas que habitualmente se vinha celebrando até há 2 anos.
+ Ligaçons relacionadas:
- Mesmo sem subvençons, afinal haverá ‘Constantino Bellón’ [PGL, 28/10/2010]
- Comunicado da Junta Directiva do Ateneu Ferrolám a respeito do Prémio ‘Constantino Bellón’ [PGL, 02/09/2010]
