PGL – Amanhá, sábado dia 6 de Março, o centro social compostelano A Gentalha do Pichel, sediado no bairro de Santa Clara, organiza, em parceria com a Associaçom Galega da Língua umha noite cultural cuja protagonista é Angola.
Este enorme território africano, onde para além das línguas autóctones se fala galego-português, é com certeza um grande desconhecido para a meirande parte de galegos e galegas. Daí que a Gentalha organice este acto com o fim de achegar esta realidade cultural que resulta por um lado tam próxima lingüisticamente e ao mesmo tempo tam extraordinariamente exótica para todos e todas nós.
A noite angolana começará às 20h00 com a palestra de Aline Frazao intitulada “A minha banda” para, a seguir, oferecer um concerto às 21.30 horas d’A minha Embala e umha mostra da gastronomia do pais africano.
+ Ligaçons relacionadas:
- AGAL organiza turnê de Aline e César [PGL, 02/03/2010]
- Crónica da apresentaçom do livro ‘Do Ñ para o NH’ em Paris [PGL, 20/01/2010]
