PGL – A loja virtual Imperdível oferece actualmente quatro ensaios da editorial compostelana Laiovento, número que promete crescer em breve com mais títulos. Por enquanto, vamos dar umha breve olhadela a estas obras.
O Galego (im)possível, de Valentim R. Fagim, debruça os argumentos sobre os quais assenta a visom oficialista da norma do galego com o objectivo de a deixar ‘nua’. Nas suas páginas trata-se a separaçom do galego-português, a barreira ortográfica, a inteligibilidade, a história, a ciência da norma ILG-RAG e a equaçom «umha língua = umha naçom», num tom divulgador nutrido de informaçons valiosas e doada compreensom.
A crítica literária aparece em Viagens na literatura, um estudo da professora Elvira Souto arredor do tema das expediçons e viagens em obras literárias. Manuel António, Ricardo Carvalho Calero, Méndez Ferrín e Álvaro Cunqueiro som alguns dos autores analisados ao longo das páginas deste apaixonante livro.
Portugal e Galiza: encantos e encontros. David Araújo amossa-nos a ligaçom entre dous povos irmaos, umha relaçom que fica escondida, invísivel e invisivilizada à mirada. Com umha estrutura ordenada, Araújo é capaz de descobrir coincidências e contrapartidas desta relaçom tam peculiar.
Finalmente, em Labregos Insubmisos, Carlos F. Velasco Souto recolhe três ensaios cujo fio condutor e comum é abordarem diversos aspectos concernentes ao mundo rural galego da primeira metade do século passado, sempre desde a perspectiva da luita de classes.
Além das obras já referidas, o catálogo da editora Laiovento na loja Imperdível inclui mais títulos, e nas vindouras semanas prevê-se que o número venha a se incrementar.
+ Ligaçons relacionadas:
- Compra O galego (im)possível na loja Imperdível
- Compra Viagens na literatura na loja Imperdível
- Compra Portugal e Galiza na loja Imperdível
- Compra Labregos e Insubmisos na loja Imperdível
- Entrevista a Carlos F. Velasco Souto
