PGL – A Junta da Galiza ainda nom convocou as ajudas para as associaçons sem ánimo lucrativo, e isso mesmo apesar de ter reduzido a quantia em 26,4% respeito dos orçamentos do ano passado. O normal vinha sendo convocar no Diário Oficial da Galiza estes subsídios já a começo de ano.
Também havia casos em que se convocavam em finais do ano anterior, para que houvesse tempo suficiente para as entidades acederem às ajudas o antes possível para assim garantir o normal desenvolvimento das suas actividades.
Em 2009 aconteceu isso mesmo, com umhas ajudas convocadas a 31 de Dezembro de 2008; ou no ano anterior, 2008, com ajudas convocadas a 4 de Janeiro desse ano. Nesta altura, Outubro de 2010, o parlamentar do BNG Bieito Lobeira denuncia que nem estám convocadas, nem existem indícios que que o vaiam ser, polo menos no curto prazo.
Em sua opiniom, é umha atitude de «desleixo» e «negligência» que, aliás, contrastam com a «diligência na convocaçom de ajudas a meios de comunicaçom que nom se distinguem, precisamente, polo cumprimento dos fins estabelecidos nas cláusulas de concessom nem polo contributo à causa da normalizaçom da língua galega».
+ Ligaçons relacionadas:
- Denúncia do BNG pola reduçom e descontrolo no reparto de ajudas para normalizaçom lingüística no âmbito local [PGL, 20/09/2010]
- Junta destina aos meios em galego apenas 1,26% dos recursos disponíveis para as empresas de comunicaçom [PGL, 19/08/2010]
- Política Lingüística evita dar umha data para a promoçom do galego nos assuntos funerários [PGL, 12/07/2010]
