PGL – A Conselharia do Trabalho e o Bem-Estar assegura que empregou maioritariamente o galego nas comunicaçons e publicaçons realizadas pola Direcçom Geral de Juventude no encontro Juventude Galiza Net, que tivo lugar no passado mês de Março.
Segundo a resposta escrita apresentada pola própria Conselharia à questom apresentada polo Parlamentar do Bloco Nacionalista Galego, Bieito Lobeira, “em todo momento a administraçom se dirigiu aos participantes neste idioma, tanto através da página web, como em cartazes, publicidade, etc.”
A Conselharia assegura que isto se estendeu a todos os âmbitos do encontro e só mudou a prática nos momentos em que participantes de fora da Galiza, que eram “os 20% dos assistentes”, protestavam por receberem as comunicaçons em galego.
A Conselharia do Trabalho e o Bem-Estar afirma ter “conscienciaçom com o galego”, idioma que, lembram, “é tam apto para as novas tecnologias coma qualquer outro, e em nengum momento a Direcçom Geral de Juventudese posicionou de outro modo”.
+ Ligaçons relacionadas:
- O BNG denuncia a exclusom do galego no encontro ‘Xuventude Galicia Net’ [PGL, 07/04/2010]
