PGL – O sindicato STEG realiza umhas jornadas sobre a língua no dia 19 de junho. Nas sessons, que terám lugar no Museu Pedagógico da Galiza, reflecterá-se acerca da situaçom do nosso idioma no ensino, das políticas lingüísticas em sociedades plurilingües e de alternativas normalizadoras.
Os actos terám dous pontos comuns, o plurilingüismo como fenómeno característico das sociedades industrializadas contemporâneas, e a análise crítica e debate sobre as políticas lingüísticas —as actuais, as anteirores e outros modelos—. Cada sessom consistirá em umha rolda de quatro intervençons mais o debate.
Entre os participantes estarám Teresa Moure, Goretti Sanmartín, Pilar Garcia Negro, o ex presidente da AGAL Bernardo Penabade, Socorro García Conde e outros representantes do sector do ensino do País. As sessons começarám às 10 da manhá e prolongarám-se até as 8 do serao.
O prazo de inscriçom está ainda aberto para quem desejar participar, para oq ual basta preencher a folha de inscriçom que aparece no portal do STEG. O preço das jornadas é de 20 euros para nom associados e de graça para quem pertencer o sindicato.
+ Ligaçons relacionadas:
