Jornadas de Políticas Culturais na Galiza

7, 14 e 21 de abril Universidade da Corunha



logoudcA Faculdade de Filologia da Universidade da Corunha organiza nos dias 7, 14 e 21 de abril as Jornadas de Políticas Culturais na Galiza.

Todas as atividades terám lugar de 12:30 a 14 horas no Salom de Graus da Faculdade de Filologia, Campus da Zapateira s/n, Corunha.

Organizadas por professorado da Área de Filologias Galega e Portuguesa do Departamento de Galego-Português, Francês e Linguística, com o apoio da Comissom de Cultura da Faculdade de Filologia da Universidade da Corunha, as Jornadas de Políticas Culturais na Galiza estám diretamente dirigidas ao estudantado dos três graus lecionados nesta Faculdade (Galego e Português, Inglês e Espanhol: Estudos Linguísticos e Literários) e abertas à assistencia de toda a comunidade universitária e, em geral, de todas as pessoas interessadas no âmbito da planificaçom e as políticas culturais.

Com esta atividade, a Faculdade de Filologia da Universidade da Corunha pretende dar a conhecer entre os seus alunos e alunas, e na opiniom pública em geral as políticas culturais que estám a ser planificadas e executadas tanto desde as administraçons públicas (de âmbito local e galego) como desde o associacionismo cultural de base. Igualmente, é objetivo destas Jornadas abrir um espaço de reflexom e debate sobre as eventuais relaçons existentes entre essas políticas culturais e a investigaçom realizada e a formaçom fornecida neste centro universitário.

Tal como figura no programa, o conjunto da atividade consta de três sessons, marcadas para os dias 7, 14 e 21 de abril, de 12:30 a 14 horas, no Salom de Graus da Faculdade de Filologia da Universidade da Corunha (Campus da Zapateira):

– 7 de abril: ‘Políticas culturais institucionais no âmbito local’. Com a participaçom de Goretti Sanmartín Rei (Vicepresidenta da Deputaçom da Corunha) e José Manuel Sande (Concelheiro de Cultura, Desporto e Conhecimento do Concelho da Corunha).

– 14 de abril: ‘Políticas culturais institucionais no âmbito galego’. Ramón Villares Paz (Presidente do Conselho da Cultura Galega) e Anxo Lorenzo (Secretário Geral de Cultura do governo galego).

– 21 de abril: ‘A acçom cultural de base’. Pilar García Negro (Presidenta de Galiza Cultura) e um/ha representante do Centro Social Gomes Gaioso [por confirmar].

Após as intervençons iniciais será aberta a quenda de debate com a participaçom do público assistente (estudantes, professorado e, eventualmente, meios de comunicaçom presentes na sala).

Para mais informaçom.

 

 


PUBLICIDADE