No fim de semana passado o Concelho de Bueu organizou umha série de atividades para apresentar iniciativas na rede, audiovisual e videojogos com o galego como língua veicular.
As jornadas decorrerom entre a sexta-feira dia 7 e o domingo 9, com charlas, exposições e mesas redondas, para além do 1º Certame Mergullándonos no TikTok. De forma paralela, convocou o certame “Mergullándonos no TikTok” de video-criaçom nesta rede social, com temática livre, que se resolveu o domingo.
Na sexta-feira falou-se sobre a situaçom do audiovisual, com as intervençons de Marcos Maceira, da Mesa pola Normalización Lingüística, e decorreu a mesa redonda sobre três experiências com éxito na rede como GZ Música, Orgullo Galego e Xornal de Bueu.
No sábado, a jornada estivo focada no mundo dos videojogos, onde se apresentou a experiência do Museu do Videojogo de Cangas, e se apresentou, na Sala Domínguez Búa, unha exposiçom sobre a história do vídeojogo em galego, com a presença dos responsáveis do MUVI. A seguir houve umha mesa redonda sobre este tema com Luz Castro, de Videoxogo.gal, Carlos Pereiro, da revista Morcego, Carlos Vieito, de A Mesa pola Normalización Lingüística, e Inés Mirás, de Grimorio of Games. Ainda, durante a tarde falou-se do videojogo galego Avoo, criado pola empresa Iseltec, e ofereceu-se um obradoiro sobre este jogo que explora, em galego, a cultura e identidade da Galiza.
Finalmente, no domingo, fecharom-se as jornadas com a Gala de entrega de prémios do certame Mergullándonos no TikTok.
