A próxima quarta-feira, dia 3 de maio decorrerá na Faculdade de Psicologia da Universidade de Santiago de Compostela umha jornada para tratar os benefícios e a necessidade do uso da língua galega com pacientes galego-falantes por parte das e dos profissionais da área.
Esta atividade, impusionada pola Comisión de Normalización Lingüística (CNL) da Faculdade de Psicologia desenvolvera-se durante a tarde, entre as 16h e as 20.30 horas. No encontro, Montserrat Comesaña Vila, investigadora do Centro de Investigação em Psicologia da Universidade do Minho impartirá a conferência ‘Galegos polo mundo: o impacto do bilingüismo na cognición e a educación’ e Mª Carmen Parafita Couto, investigadora da UVigo e professora no Center for Linguistics da Universidade de Leiden, oferecerá o relatório ‘Cruzando fronteiras lingüísticas: dende o castrapo ata o spanglish’.
A seguir, Castor Méndez Paz, presidente da CNL da Facultade de Psicoloxía, moderará umha mesa redonda com as intervenções de Rosa Álvarez Prada, decana do Colexio Oficial de Psicoloxía de Galicia; Concepción Prado Álvarez, orientadora laboral do Concelho de Fene; e Xaquín Loredo Gutiérrez, técnico do Seminário de Sociolingüística da RAG e gerente de Ágora Aberta.
A USC emitirá um diploma de asistência da atividade, no qual figurará o número de horas presenciais (un total de catro), a todas as pessoas inscritas que assistam à Jornada.
