PGL – O conselheiro de Educaçom do governo do PP, Jesús Vázquez, considera o Plano Geral de Normalizaçom Lingüstica da Galiza «um remoinho de ideias que necessita concreçom».
Vázquez teimou na sua comparecência em sede parlamentar na decisom do Governo do PP de revogar o decreto que regula o uso do galego no ensino e insistiu na promessa eleitoral de consultar os pais sobre a língua na que querem que os seus filhos sejam escolarizados.
«O Plano de Normalizaçom nom é umha obriga legal», foi a resposta que o titular de Educaçom deu ao deputado polo BNG, Bieito Lobeira, quem perguntou sobre o ‘respeito’ aos direitos do galego no novo texto que prepara o PP. Ainda, o titular de Educaçom declarou na sessom que o povo «falou alto e claro» —nas eleições galegas de 1 de Março— e reclamou «bilinguismo, consenso e liberdade».
As primeiras medidas do novo Governo galego estám a orbitar arredor da língua galega, mas com a intençom básica de restar direitos elementares, pagando deste jeito, o apoio dado polos colectivos galegófobos que do nosso país e do estado Espanhol.
