Antom Santos, doutor em História e militante independentista publica o primeiro livro da Coleção Clara Corbelhe de Ensaio Crítico Galego editado em colaboraçom com Laiovento.
Neste ensaio o autor analisa o lugar do sujeito rural galego nos debates sobre a modernização do país.
«Terra a Nossa!» foi umha das consignas mais recorrentes e significativas da Galiza do primeiro terço do século XX, umha bandeira da fachenda coletiva, que implicitamente reconhecia as origens labregas dos diferentes estratos de classe e âmbitos culturais que a abraçárom. Quiçá as suas origens fiquem no poema rosaliano que, com este título, aparece em Follas Novas: um retrato dos padecimentos da Galiza campesinha e, ao mesmo tempo, a exaltaçom das paisagens e da língua que foram desprezadas na imagem espanhola dominante.
A legenda sintetiza o esforço teórico, cultural e político que todos os agentes participantes na construçom da identidade galega moderna vinham acometendo desde o século anterior, tomando o campo como base. Através dela, como mostra a análise de Antom Santos, pode-se chegar a conhecer um campesinismo transversal que, na realidade, fazia de caixa de ressonância dos desvelos que chegavam com os novos tempos. Tempos da urbanizaçom e a mudança de costumes, do fim do comunitarismo à política de massas, dos processos nacionalizadores em pugna à posta em causa da tradiçom.
O livro pode comprar-se aqui, e pode começar a ler-se aqui.
