A Asociación Cultural Alexandre Bóveda, os coletivos In Nave Civitas e Xuntas polas Artes, com a colaboraçom do Instituto Universitário de Estudos Irlandeses Amergin da UDC, organizam a II Festa Amergin da Poesia Atlântica, que pretende estreitar laços entre a literatura galega e a literatura irlandesa.
A jornada festiva decorrerá o próximo sábado, dia 1 de julho, às 21 horas, na praia do Areal da Corunha.
A jornada festiva decorrerá o próximo sábado, dia 1 de julho, às 21 horas, na praia do Areal da Corunha.
Já na véspera, dia 30 de junho às 19h, no local da AC Alexandre Bóveda (Rúa Santo André, 36, 1º ), haverá unha palestra de Mónica Vázquez Pozo, Doutora em Estudos Literários, sobre os contactos culturais entre a Galiza e Irlanda, intitulada: Amergin: Ponte do patrimonio cultural entre Galiza e Irlanda.
Depois, às 20h decorrerá a mesa redonda sobre “Poesía e natureza en Amergin” na que intervirám os escritores Antonio Sandoval e Anthony Quinn e os professores da Universidade da Corunha David Clark e Antonio de Toro.
No sábado, a jornada inclui um roteiro arredor da Torre de Hércules, às 19.30, guiado por Antonio Sandoval, com a participaçom de Xosé Alfeirán e Ana Santorum. As vagas som limitadas e cumpre inscrever-se na web da AC Alexandre Bóveda.
A festa final inclui música e poesia, e começa às 21h com a leitura da Cançom de Amergin em galego e em gaélico, a versom galega será lida polo escritor corunhês Manuel Rivas, e a versom em gaélico por Anthony Quinn. A seguir, o recital seguirá com Rodrigo Osorio, Laura Rei Pasandin, Ana Fernández Melón, Antom Laia e Teresa Ramiro.
Entretanto, haverá espaço em paralelo para as artes plásticas, com o pintor Correa Corredoira, que estará a fazer desenhos efémeros na areia, e haverá também exposiçom de trabalhos de pintura e desenho de Pilar Silva e Roberto Castro. O coletivo Ollo de Vidro também participará encarregando-se da fotografia do evento.
Finalmente haverá concerto do gaiteiro Xosé Manuel Sánchez Rei e a voz da cantante Belém Tajes, durante o solpor.
A referência a Amergin
O poema fundacional da literatura irlandesa, Cançom de Amergin, tem umha estreita relaçom com a Galiza. Amergin, o seu autor, procedia do clam gaélico milesiam de Breogám, os chamados Filhos de Mil ou Miléssios. Segundo o Lebor Gabala (ou Livro das Invasões), datado no século XII, conta que procedentes do nosso país chegariam a Irlanda, centos de anos antes da nossa era, e enfrentam umha tormenta provocada por druídas adversários, seria o druida e poeta Amergin quem declamaría este poema. Conta a lenda que Amergin, com um poema, fundou um país: o país da poesia irlandesa. O druída dá nome ao Instituto Universitário de Investigaçom em Estudos Irlandeses, da Universidade da Corunha, e é um símbolo que fai referência à relaçom histórica entre Galiza e Irlanda.
