PGL – O grupo reintegracionista Avante! erigiu-se como o grande triunfador da ediçom de 2010 do certame de criaçom de cançom popular A Coruña Son ao ser a formaçom mais votada polos internautas. Ainda, também lográrom que três dos seus temas (“Galiza Metal”, “Nostalgia de ti” e “Ponto e final”) se colocassem como os mais valorizados no certame.
Avante! é um projecto musical nascido no Vale de Loureda, na Corunha, da mão de Diego Bernal (guitarra rítmica) e Alberto Pombo (guitarra solista e voz), ambos sócios da AGAL, ao que logo se somariam Rubém Nunes ‘Kako’ (baixo) e Iago Fontes (bateria).
Com um marcado compromisso de aposta polo monolingüismo social, e com o intuito de fazer País, Avante! tentarám somar mais um contributo para a socializaçom e naturalizaçom da nossa língua, sempre sob o lema «Na Galiza, só em galego!», asseguram.
Junto os Avante!, as outras formações premiadas nesta ediçom participarám num obradoiro de cançom popular que terá lugar durante cinco dias na vindoura semana e que será ministrado por Gastón Rodríguez, Andrés Teijeiro, Bieito Romero, Carmen Rei e Xabier Díaz.. No encerramento participarám num concerto (previsto para 15 de maio às 20h30 na Sala Túnel), e ao final gravarám um disco colectivo.
A Coruña Son é um certame organizado polas concelharias de Cultura e de Mocidade, Solidariedade e Normalizaçom Lingüística da Câmara municipal.
Avante: “Independência!”
Avante!: “Galiza Metal”
+ Ligações relacionadas:
