PGL – OuTonalidades 2010 trai à Galiza e Portugal um completo programa de 70 concertos de 25 grupos, tecendo a maior rede de música ao vivo de toda a Península Ibérica. As actuaçons decorrerám durante 13 fins de semana do outono, de 22 de Setembro a 18 de Dezembro.
Esta ediçom, a décimo-quarta, é a terceira de cooperaçom entre o OuTonalidades e a Rede Galega de Música ao Vivo, projectos irmaos por parte da Galiza e Portugal, que desemboca no intercámbio de actuaçons: 5 grupos galegos tocam em Portugal e outros tantos portugueses na Galiza.
Como em anteriores ediçons, a variedade das propostas musicais é um dos sinais de identidade de OuTonalidades: música tradicional, fago e outras músicas do mundo combinam-se com estilos mais internacionais, como rock, jazz, ska ou blues.
Os cenários vam da zona mais setentrional da Corunha à mais meridional de Portugal, no Algarve. Na Galiza, os cenários serám Corunha, Lugo, Alhariz, Ourense, Bueu e Vigo. Os grupos que achegará o nosso país som O Sonoro Maxín, Dakídarria, Pé de boi, PeldeNoze Marcos Teira e L.A.R. Legido.
Assim, OuTonalidades mantém-se como um importante lugar de encontro e intercámbio cultural, importante para o relacionamento galego-portuguesa e também para os grupos e artistas, na maior parte dos casos emergentes, que procuram o seu espaço no cenário musical.
+ Ligaçons relacionadas:
