PGL – O refrigerante de cola 100% galego, a Galicola, soma-se aos apoios para a promoçom do Apalpador, defendendo num vídeo-anúncio a legitimidade do gigante carvoeiro perante o Santa Claus ianque. Os lucros da bebida serám destinados para a promoçom e defesa da língua galega.
A Galicola também contribui com a promoçom do Apalpador, ser mitológico recuperado por Lôpez Gonçález, autor do primeiro estudo [PDF] publicado sobre esta figura do folclore popular galego, ilustrado pola vez primeira com um desenho de Leandro Lamas a petiçom da Gentalha do Pichel.
Galicola
A Associaçom Cultural Fontaira, promotora da Galicola, divulga também o Concurso Ángelo Casal, que esvaziará, cada 17 de Maio o Fundo polo Galego para que qualquer entidade sem ánimo de lucro defenda ora a sua actividade pró-normalizadora em termos globais, ora umha actividade concreta em prol do idioma. Haja ganhos ou perdas a Galicola reservará, no mínimo, o 5% das vendas para o referido Fundo polo Galego.
O prazo de apresentaçom de candidaturas para o concurso rematará a 31 de Dezembro. Depois, entre 1 de Janeiro e 1 de Maio cada consumidor de Galicola poderá votar polos projectos que prefira, enviando umha etiqueta do refresco com o seu voto. Nom há limite aos votos que cada pessoa queira enviar e poderá-se votar tanto por correio postal, quanto em urnas instaladas em centros sociais e locais por todo o país.
+ Ligaçons relacionadas:
- Canal “O Apalpador” no PGL
- Pedem unificar a imagem do Apalpador [PGL, 10/12/2009]
- O Concelho de Santiago promove alargadamente a figura do Apalpador neste Natal [PGL, 05/12/2009]
- O Apalpador chega também à publicidade [PGL, 04/12/2009]
- Grande trabalho dos centros sociais para recuperarem o Apalpador [PGL, 20/12/2008]
- O Apalpador tornará-se realidade no Natal galego [PGL, 08/11/2008]
- A Gentalha do Pichel recupera o Apalpador, figura mítica do Natal Galego [Velho PGL, 27/12/2007]
-
Polo Natal… Chega o Apalpador. Cartaz explicativo em PDF. Gentalha do Pichel, novembro de 2008
-
José André Lôpez Gonçález. O Apalpador. Personagem mítico do Natal galego a resgate. Texto [em PDF] publicado polo PGL em 31 de dezembro de 2006
- Grupo do Facebook O Apalpador quer ser o teu amigo
- Material didáctico editado pola AC Foucelhas para enviar às escolas [em PDF]
- Refrescar a gorja, e a língua [PGL, 24/08/2009]
- Web da Galicola
