Gala aRi[t]mar 2021 junta poesia e música da Galiza e Portugal em Compostela

O evento será na quarta-feira, dia 27 de outubro às 20:30h no Auditório da Galiza em Compostela



aritmar-logoApós a interrupçom da atividade cultural presencial devido à pandemia da COVID, a gala aRi[t]mar recupera o evento físico de forma segura, num encontro físico para a entrega de prémios aos melhores poemas e músicas galegas e portuguesas do último ano.

A Equipa de Dinamizaçom da Língua Galega e os departamentos de galego e de português do centro, ao longo do ano letivo trabalham de forma didática os textos e as músicas com o alunado e, posteriormente, escolhem-se por votaçom online as melhores músicas e poesias editadas na Galiza e em Portugal no ano anterior.

O certame consta de quatro categorias:

  • Melhor tema musical galego

  • Melhor tema musical português

  • Melhor poema galego

  • Melhor poema português

Neste ano a ganhadora na categoria de poesia galega foi Rosalía Fernández Rial, o segundo posto foi para Francisco Fernández Naval, e na terceira posiçom ficou Arancha Nogueira. Da parte portuguesa a ganhadora foi Márcia, a segunda foi para Alexandra Santos, e em terceiro lugar ficou Samuel F. Pimenta, colaborador também do PGL.

Da parte musical, a melhor música portuguesa foi para Quase Dança, de Paula Pascual. A segunda mais votada foi Bárbara Tinoco por Outras Línguas e no terceiro lugar ficou Miguel Araújo com A incrível história de Gabriela de Jesús. Na parte galega, a vencedora foi Guadi Galego com Cólico, a segunda posiçom foi para Xoana por Anceios, e no terceiro lugar ficárom Os d´Abaixo com o tema Pasei pola tua porta.

aRi[t]mar Galiza e Portugal é um projeto didático-cultural, desenvolvido inicialmente pola Escola Oficial de Idiomas de Santiago de Compostela, pertencente à Conselharia de Cultura, Educaçom e Ordenaçom Universitária da Junta de Galiza, cujo objetivo é divulgar a música e a poesia galego-portuguesas atuais, e achegar a cultura e a língua dos dous países, no marco do desenvolvimento da Lei Valentim Paz-Andrade para o aproveitamento do ensino do português e vínculos com a lusofonia.

O objetivo é divulgar a música e a poesia galego-portuguesas atuais, e achegar a cultura e a língua dos dous países, no marco do desenvolvimento da Lei Valentim Paz-Andrade para o aproveitamento do ensino do português e vínculos com a lusofonia.

A Gala de prémios conta com actuaçons e intervençons das e dos galardoados e  tem o patrocínio das secretarias gerais de Cultura e de Política Linguística da Junta de Galiza, da Deputaçom Provincial da Corunha, do Concelho de Compostela, do Instituto Camões e do Agrupamento Europeu de Cooperaçom Territorial Galiza-Norte de Portugal.

Devido à boa acolhida desta iniciativa, quer de Portugal, quer da Galiza, expandiu-se a colaboraçom a outros centros de ensino como à Faculdade de Filologia da Universidade de Santiago de Compostela, o Conservatório Profissional de Música de Santiago de Compostela, a Escola Oficial de Idiomas de Lugo e a Escola Oficial de Idiomas de Pontevedra, o Centro Cultural Português de Vigo-Instituto Camões, e os centros do Ensino Português pelo Camões na Galiza: IES Arcebispo Xelmirez I (Santiago de Compostela), IES Félix Muriel (Rianjo), IES de Valga, IES Valadares (Vigo), IES Politécnico (Vigo), IES A Sangriña (A Guarda), CEIP Mariñamansa (Ourense), CEIP Manuel Luís Acuña (Ourense), CEIP Oimbra e CEIP Princesa de España (Verim) e o IES de Cacheiras (Teo). Para além disto, assinou-se um protocolo de colaboraçom entre a Conselharia de Cultura, Educaçom e Ordenaçom Universitária e mais a Companhia da Rádio e da Televisom da Galiza (CRTVG), assim, esta última difunde a través dos seus meios os conteúdos audiovisuais do certame, com especial destaque para os temas musicais finalistas e ganhadores correspondentes a Galiza e a Portugal.


PUBLICIDADE