A Fundaçom Manuel Maria, em colaboraçom com a Federaçom Galiza Cultura e a Associaçom Cultural e Musical Solfa de Compostela, volve organizar o Convívio da Cultura Galega. Trata-se da segunda ediçom deste evento, que decorrerá no sábado 11 de julho na Carvalheira de Santa Isabel, em Outeiro de Rei.
O Convívio quer ser, sobretudo, umha jornada lúdica e festiva, de convivência e de recuperaçom do espírito comunitário da tradicional romaria da Santa Isabel de Outeiro de Rei, com as suas típicas foliadas e merendinhas. Todo isto move-se ao redor da figura de Manuel Maria, que dedicou por inteiro a sua vida à construçom de umha cultura nacional galega.
Estes atos completarám-se com atuaçons musicais, uma homenagem ao escritor na sua campa, um jantar compartido e a possibilidade de visitar a sua Casa-Museu. O Convívio prolongará-se durante toda a jornada, começando com a receçom das pessoas assistentes.
Esta jornada procura também criar um espaço de encontro do associacionismo cultural galego de base, isto é, um juntoiro para o diálogo e a procura de novas iniciativas.
Sairám autocarros de diversos pontos do País, como a Corunha, Ferrol ou Compostela. As pessoas interessadas poderám anotar-se nos seguintes contatos:
- Corunha: telefone 698 177 621 ou correio-e fundacion@manuelmaria.com (Fran)
- Ferrol: telefone 646 571 168 ou correio-e vaiporelas@gmail.com (Luísa)
- Compostela: telefone 676 675 030 (Lucía)
