Chega umha nova ediçom já famosa Festa do Dezassete, a qual costuma decorrer noutras datas, desta vez nos dias 15 e 16 de maio. Nesta ocasiom, haverá colaboraçom especial da AGAL e do seu carimbo editorial, Através Editora, que neste 2015 fai cinco anos de vida.
As atividades começam na sexta-feira, dia 15, às 20 h, com umha mesa redonda da Através na praça do Pam (Cervantes) com motivo do seu 5.º aniversário; intervirám Teresa Moure, Susana Sánchez Arins e Séchu Sende. Já às 20h30, ceia e concertos no Centro Social Escárnio e Maldizer.
O grosso do programa desenvolverá-se no sábado, dia 16 de maio. Os atos começam às 11 da manhã com umha «bicicletada pola língua» que sairá da Alameda compostelana. Às 12h30, com a colaboraçom da AGAL, realizará-se na praça da Quintã um «mosaico pola língua» em que as pessoas formarám um Ñ que se converterá num NH. A sessom vermute decorrerá às 13h30 no C. S. O Pichel, com música do DJ 17 de Maio. No mesmo local será o jantar, às 14h30, acompanhado dos cantos tabernários.
Pola tarde, o cenário desloca-se de novo à praça do Pam; ali, às 18h, foliada de diferentes cursos (CSA Sar, Gentalha, Itaca e Semente). O fim de festa será no Pichel, com umha ceia às 21h30 e, a partir das 22 h, concertos de The Tetas’ Van, Nao e pinchada com Peixe Gordo (Marcos Paino).
