PGL – O padroado da Fundaçom Vicente Risco, integrado por diversas instituiçons, em colaboraçom com a Câmara de Monforte, inauguram a exposiçom ‘Europa em Vicente Risco. Nós in memoriam’, que inclui um apartado denominado ‘O idioma como identidade’.
A exposiçom destaca o papel intelectual e político do autor que sentou as bases do nacionalismo galego. Grande conhecedor da vida cultural europeia do momento e das diferentes correntes filosóficas e religiosas mundiais, Risco tencionou intentou a cultura galega no plano internacional. Além do mais, a exposiçom salienta cronologicamente os dados mais relevantes para o conhecimento da personalidade, complexa e por vezes contraditória, do autor.
Dedicada a vultos das nossas letras e da nossa história como Antón Losada Diéguez, Castelao, Ramón Otero Pedrayo, Florentino López Cuevillas, Arturo Noguerol, Anxo Casal, para além do próprio Vicente Risco, a exposiçom divide-se nos seguintes apartados:
- Semblante em Vicente Risco
- A crise de Entre-guerras
- As vanguardas
- Fascismo versus comunismo
- A Alemanha de Weimar
- Irlanda-Éire
- Europa versus Espanha
- Importância da formaçom
- A revista Nós
- Saudosismo e Portugal
- A ideia espiritual da Europa
- Atlântida-Atlantismo
- Mundo céltico e ciclo artúrico
- Espírito versus capitalismo
- Naçom versus estado
- As naçons ofendidas
- O idioma como identidade
Cabe destacar que a amostra pode ser consultada nas variantes oficialista e internacional do galego, assim como noutros idiomas como o castelhano, o inglês, o francês, o catalám, o alemán ou o euskara.
+ Ligaçons relacionadas:
