O Auditorio de Galicia, um dos melhores espaços expositivos da capital, acolhe desde finais do mês passado o projeto expositivo sobre a vida, obra e o ideário de Carvalho Calero realizado pola AGAL e a Xunta de Galicia.
O conselheiro de Cultura, Román Rodríguez, o alcalde de Santiago, Xosé Antonio Sánchez Bugallo, e o presidente da AGAL, Eduardo Maragoto, inaugurárom anteontem a exposiçom sobre a vida, obra e ideário de Ricardo Carvalho Calero “A voz presente”.
Na apresentaçom da mesma, conduzida pola subdiretora do Auditório, intervinhérom também a filha do homenageado Margarita Carballo Ramos, a presidenta do Consello da Cultura Galega, Rosario Álvarez, e o presidente da RAG, Víctor Freixanes. Finalmente, José Manuel Aldea, director de Ouvirmos S.L., dirigiu os cargos políticos e culturais presentes polas diferentes salas da exposiçom.
Margarita Carballo, que chegou acompanhada por Faustino Cela, filho dela e neto do homenageado, mostrou-se mui contente por estarem a coincidir no tempo várias exposições de Carvalho Calero nos diferentes lugares vitais de Carvalho na Galiza (e ainda em mais). Tampouco perdêrom a inauguraçom outros familiares e amigas da família residentes em Compostela.
Na apresentaçom da mesma, conduzida pola subdiretora do Auditório, intervinhérom também a filha do homenageado Margarita Carballo Ramos, a presidenta do Consello da Cultura Galega, Rosario Álvarez, e o presidente da RAG, Víctor Freixanes.
Eduardo Maragoto, presidente da Associaçom Galega da Língua (AGAL) começou explicando a importância de Santiago para Carvalho Calero e defendeu a colaboraçom da AGAL com as instituições por cima de eventuais discrepâncias em política linguística, já que “do que se tratava este ano era de respeitar a figura de Carvalho Calero”, algo que a exposiçom conseguiu dando a voz a Carvalho Calero em todo o momento.
O conselheiro de Cultura Román Rodríguez destacou a importância do Dia das Letras como um dos eventos mais importantes da cultura galega, graças ao qual vamos construindo consensos em que também cabem as discrepâncias. O alcalde de Santiago Xosé Antonio Sánchez Bugallo, após gabar a importância da figura “especial” de Carvalho para a Galiza, realizou umha reflexom no mesmo sentido que o Conselheiro, defendendo a importância de que as diferentes posturas contrapostas consigam contribuir com o seu grão de areia à cultura comum. Nesse sentido, dixo que o debate do reintegracionismo também tinha o seu lugar, pois já cumpre 40 anos e excede os meios académicos.
Rosario Álvarez, por sua vez, lembrou os vínculos de Carvalho Calero à faculdade de Filologia compostelana e Víctor Freixanes defendeu que se continue a falar de Carvalho para além deste ano e mostrou a disposiçom dele e dos académicos a falar de qualquer assunto, também sobre eventuais discrepâncias com Carvalho Calero.
A inauguraçom também contou com a presença da concelheira Mercedes Rosón, a quem o presidente da AGAL agradeceu a sua disposiçom a colaborar em várias iniciativas da associaçom, e representantes de todos os partidos políticos compostelanos, como Goretti Sanmartín ou Blanca Novoneyra, para além doutras figuras destacadas da cultura galega, como Valentín García, Secretária Geral da Política Linguística, e a escritora e académica Marilar Aleixandre.
A inauguraçom também contou com a presença da concelheira Mercedes Rosón, a quem o presidente da AGAL agradeceu a sua disposiçom a colaborar em várias iniciativas da associaçom, e representantes de todos os partidos políticos compostelanos, como María Antón, Goretti Sanmartín ou Branca Novoneyra, para além doutras figuras destacadas da cultura galega, como Valentín García, Secretária Geral da Política Linguística, e a escritora e académica Marilar Aleixandre.
Para além da vida e da obra do autor, a exposiçom conta com duas salas em que som projetados audiovisuais do intelectual ferrolano.
