A iniciativa procura contribuir ao nom esquecimento tanto dos feitos, como da passividade e negligência que levaram à catástrofe.
Hoje, 22 de novembro, às 13:00h, inaugurara-se na biblioteca da Faculdade de Filologia da Universidade da Corunha a exposiçom bibliográfica “Vinte anos do Prestige: as artes contra a marea negra”, que lembra a catástrofe e serve como homenagem a todas as pessoas afetadas e mobilizadas. A iniciativa foi organizada polo alunado da matéria de Poesia em Língua Galega e Portuguesa da mesma faculdade, que realizará umha visita guiada durante o ato de inauguraçom.
Passaram vinte anos do naufrágio do Prestige, um dos maiores desastres ecológicos da história da Galiza. E também dumha vaga de mobilizaçons igualmente histórica. A bandeira galega tingiu a sua franja azul de luto e converteu-se no símbolo desta plataforma, que se particularizou polas mobilizaçons massivas nas ruas e em todos os ámbitos artísticos.
Devido à quantidade e qualidade de textos arredor deste fito, no vinte aniversário desta tragédia, as alunas e alunos de Poesia em Língua Galega e Portuguesa organiza esta exposiçom em cinco secções: Crónica e análise política, Impacto ecológico, Livros de fotografia, Livros de criaçom e Livros de poesia.
Devido à quantidade e qualidade de textos arredor deste fito, no vinte aniversário desta tragédia, as alunas e alunos de Poesia em Língua Galega e Portuguesa organiza esta exposiçom em cinco secções: Crónica e análise política, Impacto ecológico, Livros de fotografia, Livros de criaçom e Livros de poesia.
O público assistente à exposiçom e às visitas guiadas poderá ler tanto nos livros como nos paineis textos representativos associados ao desastre.
Para além da inaugural, decorrerám visitas guiadas nos dias 29 de novembro (às 13:00 h) e 30 de novembro (às 16:00 h), para as quais é preciso inscrever-se previamente no correio eletrónico biblioteca.filoloxia@udc.gal ou no telefone 881011712.
