PGL – A paróquia de Baltar, no concelho chairego da Pastoriça, volverá vibrar o sábado, 17 de Julho, com o V Festival da Chaira, organizado pola associaçom A Chaínza.
A praia fluvial de Anlho, na área recreativa da Riboira, acolhe por quinto ano consecutivo este festival. A variedade de estilos e a qualidade das propostas musicais fam da cita um sucesso assegurado. Sob a legenda “Diversidade contra a nom pluralidade”, a organizaçom elaborou um cartaz formado polas seguintes formaçons:
- Os lugueses Zootroopa, conhecidos por actuarem no bar Garçon del Pis, da capital luguesa.
- Kogito, grupo de ská que repete presença no festival após a sua participaçom em 2006.
- La Limoncello, agrupaçom de Barcelona, que trarám o seu reggae-ská-punk de fusom.
- Os Chotokoeu da Corunha, aposta segura que encabeça a nova fornada musical da cidade herculina.
- Os Ulträqäns, também da Corunha, que asseguram virtuosismo e movimento em altas doses.
A proposta completa-se com a celebraçom do I Torneio de Bilharda Festival da Chaira 2010, com a habitual colaboraçom da bilhardeira Associaçom O Varal. O primeiro prémio será um javali para o melhor vareador.
Quanto à pernoita, haverá possibilidade de acampar de graça, com serviços básicos incluídos.
+ Ligaçons relacionadas:
