PGL – O próximo sábado, dia 25, a Gentalha do Pichel organiza um roteiro toponímico polo bairro compostelano de Sam Pedro que contará com a participaçom do especialista em toponímia compostelana Xosé Ramón López Boullón.
Como indica o título da atividade, “De que falam as ruas de Compostela? Um passeio polos nomes dos lugares de Sam Pedro”, a ideia é dar um passeio e conhecer um pouco mais a história da cidade através dos nomes das suas ruas e lugares, tanto os “oficiais” como os consagrados nalgum momento pola tradiçom e o uso populares e que nom aparecem nos mapas. Desvendará-se assim o sentido de nomes como os da Trisca, as Chufas, os Lagartos, Belvis, Bonaval, Fráguas, Caramoninha…
A jornada do sábado, que partirá às 18:00 na Porta do Caminho, está dedicada ao bairro de Sam Pedro, mas nos próximos meses o passeio alargará-se a outras zonas da cidade.
