PGL – Esta sexta-feira, 24 de junho, terá lugar a VIII Ediçom dos Encontros em Milpedras, um recital que conjuga diversas artes numha experiência aberta e integradora. O ato começará a partir das 21:00 horas e terá umha duraçom aproximada de umha hora. A entrada é livre.
Os Encontros em Milpedras som um espaço de colaboraçom e comunicaçom natural entre escritores, músicos e artistas plásticos e visuais, que querem comunicar-se entre si e com o público sem intermediários, aumentando o conhecimento e o diálogo livre entre as diferentes disciplinas artísticas, e oferecendo ao público interessado umha experiência nova e enriquecedora.
Esta VIII Ediçom dos Encontros, que se venhem celebrando desde julho de 2010 na oficina de litografia Milpredras, situada na rua Brasil, nº 3, rés-do-chao, da Corunha, conta com Celso Álvarez Cáccamo, Estíbaliz Espinosa e Branca Novoneyra, na parte poética, que dialogarám com a música de Karlos Barral e Alberto Laso, e a arte em direto de Carlos Botana e Nando Lestón.
+ Ligaçons relacionadas:
