A Rádio Galega dedicou o programa d’A Tarde do dia 1 de setembro, dirigido por Aser Álvarez, a Ricardo Carvalho Calero. Entre discursos do homenageado e canções apresentadas ao concurso “Musicando Carvalho Calero”, organizado pola AGAL e a própria Rádio Galega, passárom polos microfones do programa Víctor Freixanes, Eduardo Maragoto, Aurora Marco, Henrique Rabunhal, Martinho Montero e Carmen Blanco.
O programa começou com umha entrevista ao presidente da RAG, Víctor Freixanes, que foi perguntado sobre as relações com a Lusofonia que tanto reivindicou Carvalho Calero. A seguir, tanto Freixanes como o seguinte entrevistado, o presidente da AGAL Eduardo Maragoto, fôrom perguntados pola polémica escolha da palavra gromo (em vez de brote ou surto) realizado pola primeira instituiçom.
Nom fôrom estas as únicas referências ao reintegracionismo de Carvalho. A escritora Aurora Marco, entrevistada a seguir como autora do livro biográfico Foula e Ronsel explicou as origens do ideário reintegracionista de Carvalho antes de se debruçar sobre a época juvenil de Carvalho em que é especialista.
O programa continuou com entrevistas a outros dous biógrafos do intelectual ferrolano, Henrique Rabunhal e José-Martinho Montero Santalha, e ainda a seguir com a escritora Carmen Blanco, autora do livro-entrevista Conversas con Ricardo Carballo Calero.
O programa presenteou com umha noite de hotel o casal ganhador do concurso em que se perguntava, entre outras cousas, pola data em que Carvalho Calero assumiu os seus posicionamentos reintegracionistas.
Para escuitar o programa, a primeira parte pode ouvir-se aqui, e a segunda parte está disponível aqui.
