A organización estudantil Erguer. Estudantes da Galiza vem de apresentar na Cidade da Cultura a sua nova campanha em defesa do galego sob a legenda “Que nom nos roubem a língua”.
Da organizaçom resaltam a gravidade da situaçom atual do idioma. ”A nossa língua encontra-se num estado crítico. Umha de cada três mozas já nom sabe falá-la” sinala Lucas Pardo, Portavoz Nacional de Erguer.
A campanha conta com um programa ambicioso que procurará reverter o abandono progressivo do galego assim como transmitir ao conjunto do estudantado a problemática linguística que se está a viver na Galiza.
As demandas da organización girarám arredor de três eixos principais.
- A derrogaçom imediata do Decreto de Plurilingüismo, que proibe o galego nas ciências e que é condenado por todos os organismos internacionais.
- Galego como língua veicular no ensino, para garantir o direito de todo o estudantado a conhecerem a língua.
- Por último, a criaçom dum sistema editorial público para o ensino que publique manuais e materiais em galego para todos os níveis.
Para o ensino universitário, a editora pública debe promover a ediçom de manuais e de pesquisa em galego.
“De Erguer achamos que é a hora de tomar consciência e mobilizar-se. Fales a língua que fales, tens direito a acreditar numha Galiza com língua própria, tens direito a luitar por um sistema de ensino que garanta o que tal vez a ti che negou: poder conhecer e falar a nossa língua” explica Lucas Pardo.
A organizaçom anima a todo o estudantado a mobilizar-se em defensa da língua galega e a asistir à manifestaçom nacional convocada pola plataforma Queremos Galego! para o 23 de fevereiro.
