PGL – A Conselharia da Educaçom comunicou a proibiçom de qualquer programa de imersom lingüística em galego nas escolas e institutos da Galiza. A proibiçom afecta a um total de 47 instalaçons educativas de meios urbanos, destinatárias destas iniciativas.
A Conselharia pom fim a uns programas pensados para levar o galego a ambientes em que tinha umha presença nula, facilitando assim o contacto com a língua do País. Foi um governo do PP, o de Manuel Fraga em 1995, quem dera luz verde aos centros de ensino da Galiza para fazer estas intervençons em matéria de língua, ainda que nom foi até 2007, com o bipartido, quando a lei foi desenvolvida no Decreto do galego no ensino.
O Sindicato de Trabalhadores de Ensino da Galiza (STEG) recordou que já o ano passado a Conselharia decidira retirar a subvençom para este programa, antecipando proibiçom que agora se fijo realidade. Aseguram que «esta decissom nom tem em conta a demanda constante de numerosas famílias que constatam diariamente a impossibilidade de garantir o bilingüismo para nenas e nenos que, a partir dos 6 anos, terám que conhecer bem o galego para começar o ensino obrigatório».
+ Ligaçons relacionadas:
- Educaçom proíbe programas infantis de imersom nas cidades [Vieiros, 16/06/2010]
