PGL – A Fundaçom Artábria vem de abrir o blogue do Festival da Terra e da Língua, que cumpre décimo aniversário. Trata-se dum portal em que se podem conhecer em profundidade os detalhes do festival, como grupos, serviços ou rota de acesso.
O Festival atinge a décima ediçom, e para isto a Fundaçom Artábria, organizadora do evento, elaborou um completo blogue que completa a organizaçom, visando que toda pessoa que quiger acudir a este encontro cultural conheça o que vai encontrar em Narom.
A proposta deste ano inclui um elenco de seis grupos musicais: Boj, Estimaba que Viñeras e Maghúa, que actuarám na sexta-feira à noite, mais Wisdom KaveGz e Lamatumbá na do sábado. O Abertinho de Bilharda, um campeonato de futebol 3X3, a inauguraçom da exposiçom “Dez anos em dez fotos” e o Festivalzinho, com actividades para as crianças, completam o programa.
As próximas novidades, já presencialmente, no Moinho de Pedroso, em Narom.
+ Ligaçons relacionadas:
- O Festival da Terra e Língua de Artábria está em marcha [PGL, 02/06/2010]
- Disponível na rede blogue do Festival da Terra e da Língua [Artábria, 09/06/2010]
- Blogue do Festival Terra e Língua
