PGL – O Departamento de Normalizaçom Lingüística do Concelho de Ferrol inaugurou recentemente o portal web Ferrol com Língua, como parte das açons a prol do uso do idioma galego em todos os ámbitos da sociedade ferrolana.
A página conta com seçons dedicadas ao desporto, a cultura, as administraçons e a atividade empresarial, contendo cada umha delas as iniciativas que se ponhem em andamento no contexto do Plano Municipal de Normalizaçom Lingüística do Concelho de Ferrol.
Deste modo da-se à sociedade ferrolana e ao resto de pessoas interessadas, a possibilidade de consultar num mesmo sítio a informaçom e documentaçom de campanhas como a do “Manifesto do desporto”, “Pequena longa língua” e “Festa dos ajôujeres” para os infantes, “Exposiçom de História”, “Ponte nas ondas”, “Poesia e imagem”, Festival “A Mocidade com a língua” e outras.
Além das iniciativas próprias deste Departamento municipal, na web visualzam-se também aquelas propostas e açons de outras entidades. Porém, as iniciativas sociais nom ligadas ao plano ou às actividades do Departamento de Normalizaçom Lingüística do Concelho ferrolano nom tenhem o seu espaço, o qual ajudaria a coordenar todas as açons na cidade ártabra na procura de um mesmo objetivo.
+ Ligaçons relacionadas:
