Décima ediçom do Festival da Terra e da Língua para 25 e 26 de junho

Artábria – A ediçom deste ano encerra a primeira década de história do Festival da Terra e a Língua, um evento cultural, musical e de activismo social que nasceu com o objectivo de dar força à língua, à cultura e à consciência nacional galega na nossa comarca de Trasancos.

Esses objectivos, bem como a dinamizaçom e apoio dos movimentos sociais, fôrom a referência permanente em cada umha das ediçons organizadas até hoje. A deste ano nom é umha excepçom. Olhando de frente os graves problemas que atravessamos como povo, detemo-nos mais umha vez diante dos desafios colocados pola ofensiva espanholista à nossa comunidade lingüística e reafirmamos o compromisso colectivo deste povo: apostamos numha Galiza em galego.

Por isso, escolhemos a defesa da língua como melhor motivo para este décimo aniversário, num momento especialmente difícil para a nossa língua e, por extensom, para a nossa identidade.

Na véspera de um novo ano lectivo em que o ensino galego se verá mais espanholizado graças ao empenho do PP à frente da Junta da Galiza, da Fundaçom Artábria contribuímos modestamente à tomada de consciência colectiva num tema em que jogamos todo: o ser ou nom ser, o exercício da dignidade nacional… o direito colectivo à língua.

Com esse objectivo, convocamos como cada ano os movimentos sociais e as pessoas que cada ano nos visitam no Moinho de Pedroso, para juntos e juntas desfrutarmos de um programa de actividades que combina em doses semelhantes a música e a diversom; a reflexom e a acçom.

Programa

Sexta-feira 25 de Junho

21.30 h Apresentaçom do Festival

22.00 h Concerto
– BOJ
– ESTIMABA QUE VIÑERAS
– MAGHÚA

02.30 h Repichoca Ártabra (traz o teu instrumento!)

Sábado 26 de Junho

12.00 h Apertura da exposiçom “Dez anos em dez fotos” de Ernesto Lopes

16.00 h II Campeonato Futebol 3×3 (Regulamento)

16.30 h Festivalzinho

17.30 h II Abertinho Ártabro de Bilharda

19.30 h Debate “O Futuro da nossa Língua”
– Maurício Castro, membro da Fundaçom Artábria
– Eduardo Sanches Maragoto, Professor da EOI de Compostela
– Eva Cortinhas Ferreira, militante de AGIR
– Brais de Esteban, Professor e membro da CNT

21.45 h Pregom com Sechu Sende

22.00 h Concerto
– WISDOM
– KAVEGZ
– LAMATUMBÁ