Desenvolve-se com alunado de Bacharelato dos centros públicos IES Carvalho Calero, IES Concepción Arenal, IES Sofia Casanova e IES Punta Candieira.
O laboratório aborda a questom linguística dum jeito inovador, incorporando ferramentas de gestom e facilitaçom de grupos e dando espaço às emoçons e à própria experiência.
Nos meses de outubro e novembro vai decorrer o Laboratório de Apoderamento Linguístico, umha atividade que tem entre os seus objectivos a criaçom de espaços seguros para o uso do galego, a autoreflexom sobre as ligações e prejuízos a respeito da língua própria, assim como o desenho de protótipos de intervenções dinamizadoras para a criaçom dumha comunidade de ativistas linguísticas, desenvolvidas pola própria mocidade.
Esta primeira ediçom consta de duas sessões de 100 minutos entre o 13 e o 27 de outubro nos centro ferroláns IES Carvalho Calero, IES Concepción Arenal, IES Sofia Casanova, e o cedeirense IES Punta Candieira. As profissionais da cooperativa Rexenerando som as encarregadas do desenho e execuçom da proposta, que procura, em cada aula, afundar na experiência linguística, trabalhando com ferramentas como a linha de vida linguística para identificar momentos de conflito e descoberta, associados à relaçom das diferentes línguas em contacto.
Numha segunda fase, o próximo 11 de novembro, desenvolvera-se umha sessom de prototipado de ações intercentros. Neste encontro, de participaçom voluntária, o alunado exporá as propostas e recursos recompilados previamente. Umha série de ações ativadoras da língua nos seus contextos mais próximos.
Umha atividade que tem entre os seus objectivos a criaçom de espaços seguros para o uso do galego, a autoreflexom sobre as ligações e prejuízos a respeito da língua própria, assim como o desenho de protótipos de intervenções dinamizadoras para a criaçom dumha comunidade de ativistas linguísticas, desenvolvidas pola própria mocidade.
E finalmente, o 29 de novembro, celebrara-se um ato de feche para dar conta do processo publicamente, vinculando a rapazada com toda a comunidade educativa e com o conjunto da sociedade. Este espaço servirá para partilhar as propostas de intervençom linguística resultantes e celebrar a potência criativa e o compromisso da mocidade com o idioma. Neste evento, ademais, projetara-se um vídeo resumo de como foi todo o desenvolvimento do Laboratório.
A iniciativa é um projeto piloto de dinamizaçom do uso do galego entre a mocidade financiado pola SXPL a través do programa Teceredes, e desenhado pola cooperativa Rexenerando de Ferrol, cuja atividade se pode seguir nesta conta de Instagram.
