PGL – Começam os XXIII Cursos de Língua e Literatura Galegas, que se decorrerám na cidade de Santiago de Compostela e que estám destinados a público nom galego.
Na inauguraçom estivérom o reitor da Universidade de Santiago de Compostela (USC) Juan José Casares Long; o presidente da Real Academia Galega (RAG), Xosé Luís Méndez Ferrín; o secretário-geral de Política Lingüística, Anxo Lorenzo; a directora do Instituto da Língua Galega (ILG), Rosário Álvarez; e o director dos cursos, Francisco Fernández Rei, também do ILG.
Esta é a XXIII ediçom dos cursos, nos quais já participárom mais de 2.200 alunos e alunas de países de todo o mundo. Os Cursos organiza-os a RAG, o ILG da USC e a Secretaria Geral de Política Lingüística da Junta da Galiza.
Na ediçom deste ano há inscritas 85 pessoas procedentes de 27 estados distintos: Alemanha, Argentina, Brasil, Reino Unido, República Checa, Chile, Costa Rica, Croácia, Cuba, Espanha, Estados Unidos, Finlândia, França, Grécia, Hungria, Indonésia, Irlanda, Itália, Marrocos, México, Peru, Polónia, Portugal, Roménia, Rúsia, Ucrânia e Japom.
+ Ligaçons relacionadas:
- Começam os Cursos de Língua para Estrangeiros [El Correo Gallego, 07/07/2010]
