PGL – O Conselho Municipal da Mulher da cidade de Vigo decidiu apresentar umha petiçom para Mª Xosé Queizán Vilas ser nomeada membro da Real Academia Galega. O organismo apoia a petiçom na longa trajectória literária e como activista, já que Queizán forma parte do Conselho desde a sua constituiçom em 1993 como representante das Feministas Independentes Galegas (FIGA).
Aliás, apoiam-se na notável desigualdade no número de académicas mulheres frente à imperante maioria de homens. Após o falecimento de Olga Gallego Domínguez, só ficam 4 académicas (Rosario Álvarez Blanco, Xohana Torres, Luz Pozo Garza e Margarita Ledo Andión), polo que acham necessária a incorporaçom de Mª Xosé Queizán.
Com o fim de levar adiante a petiçom, constituirá-se umha comissom no seio do conselho, tratando de reunir os numerosos méritos da escritora e apoiar a sua candidatura de ingresso na RAG.
+ Ligaçons relacionadas:
