PGL – A Direcçom da Comissom promotora de ensino “Galiza com o Galego” (CGG), resolveu adiar a conferência e assembleia pública que tinha prevista para apresentar e incorporar novos apoios ao projecto da rede popular de ensino em galego, laica, universal e pluralista, por mor do temporal.
A conferência, marcada inicialmente para o sábado dia 9 de Janeiro, às 19h00, na casa da juventude, sita na rua Celso Emílio Ferreiro da cidade de Ourense foi cancelada por mor do temporal que açouta Galiza nos últimos dias e que deixa as estradas cobertas de neve, o que impossibilita o transito e supom um perigo para as pessoas.
Atendendo a estas premissas, a reuniom será convocada previsivelmente dentro de 15 dias. Nessa reuniom, a Comissom Reitora da CGG elegerá os cargos de direcçom, e estudará a criaçom de comissons técnicas de trabalho, e a sua organizaçom territorial para possibilitar que a rede popular de ensino em galego seja umha realidade e poda oferecer-se ensino em qualquer lugar da Galiza.
A plataforma vai a levar umha actuaçom independente do que decida o governo do Partido Popular da Junta e das opinions contrárias a aprendizagem em língua galega, apoiando todas as acçons democráticas em defensa da língua e o ensino em galego, que os movimentos sociais estám a desenvolver, e rejeitando a imposiçom da língua castelhana que defendem alguns sectores antidemocráticos na Galiza.
+ Ligaçons relacionadas:
- Galiza com o galego: Assembleia para a criaçom dumha rede de escolas galegas [PGL, 04/12/2009]
- Assembleia na Corunha para a concretizaçom da plataforma Galiza com o galego [PGL, 27/11/2009]
- Francisco de Limiar: «No ensino público ainda nom há futuro para o galego» [PGL, 28/07/2009]
- Novas da Galiza entrevista membro de ‘Galiza com o Galego’ [PGL, 14/07/2009]
- Rede popular de ensino em galego
