O pianista Juanma Varela e a soprano Esperanza Mara interpretarám as cinco composições finalistas do 2º Concurso de composicións musicais que convoca a Fundación Manuel María para depois, darem um concerto de cantigas galegas da compositora compostelá Eugenia Osterberger.
Este sábado, dia 21 de outubro, às 17.30h, decorre a gala-concerto da IIª edición do Concurso Manuel María de Composicións Musicais. A gala contará com a soprano Esperanza Mara e o pianista Juanma Varela. Para além de tocarem as cinco peças finalistas do certame, interpretarám oito cantigas e melodias galegas da compositora e pianista Eugenia Osterberger, referente no mundo musical e cultural de Galiza do último terço do século XIX.
O concurso Manuel María de Composición Musicais, instituído anualmente pola Casa-Museu, celebra este ano à sua segunda ediçom e conta com um prémio em metálico de mil euros para a melhor cançom lírica, para voz e piano, escrita sobre um poema de Manuel María, ademais da publicaçom das partituras das pessoas finalistas e a sua distribuiçom de graça a todos os Conservatórios de Música da Galiza.
Juanma Varela, intérprete e pianista acompañante, além de docente no Conservatório Felipe Paz Carbajal de Noia, onde imparte matérias de piano e harmonia, e Esperanza Mara, licenciada em música na variante de canto e de violoncelo barroco, com atuações nas melhores salas de concertos do nosso país e de países vizinhos e professora de canto no Conservatório Profissional de Santiago de Compostela, realizarám um concerto dividido em duas partes. Na primeira interpretarám as cinco canções finalistas do concurso, Tes un brilo amortecido, Baladiña do salouco confidente, Lembranza da Lagoa de Cospeito, Soños no meu fogar e Falan uns campesiños aos que lles expropiaron as terras, compostas por Teo Montero, Manuel Tizón, Brais González, Gerald David Vázquez e Xesús Xosé Iglesias.
O concurso conta com um jurado presidido por Margarita Viso, compositora, pianista acompanhante, editora de música e musicóloga. Prémio da Crítica Galega em 2020. Atuará como vocal Juan Durán, autor de obras de música de câmara, vocal, sinfónica e cénica, ademais de arranjos e orquestrações de música galega. Foi Prémio da Cultura Galega em 2013 e Prémio Reina Sofía de Composición em 2018. É membro da Real Academia Galega de Belas Artes. Também como vogal fai parte Xosé Carlos Seráns, músico e compositor e atual presidente da Asociación Galega de Compositores, ademais de gerente da Banda Municipal de Santiago de Compostela.
A seguir, enquanto o júri realize a deliberaçom para determinar a música ganhadora, o público assistente poderá gozar de um ciclo de cantigas e melodias galegas para voz e piano de Eugenia Osterberger, compositora que contribuiu à consolidaçom da música culta de raíz galega. Concretamente, Juanma Varela e Esperanza Mara, interpretarám Adiós, miña Manoeliña; Almendriñas nas orellas; Casadiña de tres días; Mariquiña, non te fíes; Agora que ven a leva; Non ch’as quero, non ch’as quero; Adiós, adiós, queridiña; Arriba, pandeiro roto.
Esta Gala-Concerto é pública e de graça mais cumpre necessário fazer a reserva correspondente a través do correio a contacto@casamuseomanuelmaria.gal ou enviando um whatsapp ao 698177621.
