Partilhar

Concelho de Compostela convoca Prémios Manuel Beiras ao uso do galego na empresa

  • ‘Prende o galego. Brilla con luz propia’ é a legenda com que se apresenta este ano o prémio Manuel Beiras ao uso do galego na empresa.

  • A convocatória rematará com o ato de entrega dos prémios, que será o 19 de dezembro no Teatro Principal, às 20h. numha gala conduzida polo grupo Os da Ría.

O 19 de dezembro decorrerá no Teatro Principal a partir das 20.00h a gala de entrega de prémios às empresas que o jurado escolha, numha convocatória com o objetivo de “dar a conhecer e espalhar a utilidade que tem o galego, também como língua instrumental no ámbito mercantil” destacou o concelheiro de Políticas Linguísticas.
Rubén Prol apresentou em roda de imprensa junto com Xavier Freire, membro da direçom da Cámara de Comercio, a XXIII ediçom do certame que convoca esta, em colaboraçom com o Concelho de Compostela.

Agora, nas semanas prévias à entrega dos prémios, desenvolvera-se umha campanha para lembrar a convocatória, animar a que se presentem candidaturas e transmitir os objetivos do prémio.

Rubén Prol e Xavier Freire durante a apresentaçom para a imprensa.

Neste 2022, as acçons publicitárias giram arredor da legenda “Prende o galego. Brilla com luz propia”, em referência à crise energética. Segundo explicou Xavier Freire, a campanha procura “chamar a atençom sobre um recurso que os negócios tenhem à mao para se pôr em valor e conectar com o público compostelám: o uso da nossa língua, um elemento diferencial num mercado cada vez mais global que estabelece vínculos com a comunidade”.

Como nos anos anteriores, qualquer pessoa ou entidade pode formular propostas de candidaturas e também o podem fazer as mesmas empresas candidatas.

A proposta deve achegar, na medida do possível, informaçom sobre a prática linguística da empresa. Para facilitar a recolhida desta informaçom, as empresas candidatas podem sumarem-se a #galegoempresas (galegoempresas.santiagodecompostela.gal) que, ademais de incluir um autodiagnóstico contribui à sua difussom pública, ou podem elaborar umha pequena memória, para o que contarám com apoio, se o precisarem, do Departamento de Língua. Ademais, na web municipal há umha guia para facilitar a informaçom que o jurado necessita. Como é habitual, a organizaçom nom fai público o nome das empresas que som candidatas, mas elas si podem publicitá-lo.

 

Conversa arredor da obra “Porque caiu a Galiza” de José Manuel Barbosa em Carvalho

Marinha Area: “‘Castrapo’ só vem para nom dizer a palavra tabu: substituiçom linguística”

Pablo Pesado: “o tabu central do sistema cultural galego é a independência nacional”

Susana Sanches Arins apresenta Cinco Corujas na livraria Paz de Ponte Vedra

Lançamento do livro O nosso Porto no Casino 1889 de Carvalho

Risoto de salmão afumado

Conversa arredor da obra “Porque caiu a Galiza” de José Manuel Barbosa em Carvalho

Marinha Area: “‘Castrapo’ só vem para nom dizer a palavra tabu: substituiçom linguística”

Pablo Pesado: “o tabu central do sistema cultural galego é a independência nacional”

Susana Sanches Arins apresenta Cinco Corujas na livraria Paz de Ponte Vedra