A AGAL abre no Loomio um debate a respeito do termo para nos referirmos ao modelo de língua que defendemos.
O termo “galego reintegrado” para nos referirmos ao modelo de língua que defendemos foi mui eficaz para nos identificar perante a sociedade ao longo destas últimas três décadas. No entanto, nos últimos anos, está a conviver com outros como “galego internacional”, “galego-português” ou “português da Galiza”.Nesta etapa de procura de novos consensos e de trabalho pola implantaçom dum modelo binormativo, gostaríamos de conhecer o teu ponto de vista para valorizarmos se devemos continuar a fomentar a mesma denominaçom ou priorizar outra para designar a nossa proposta linguística.
Com este fim abrimos um debate no Loomio, onde podes introduzir os teus argumentos -mesmo acrescentar outra(s) proposta(s) de nome- e votar. Lembramos-che que o teu voto pode ser modificado em qualquer momento até a data de fim deste debate, que marcamos para o dia 1 de dezembro, para podermos tratar este assunto na nossa Assembleia Geral em Ponte Vedra no dia seguinte (2 de dezembro).
Resumimos o procedimento nos pontos a seguir:
- A votaçom fica aberta até sexta-feira 1 de dezembro inclusive.
- Podes aceder ao espaço de debate nesta ligaçom. A inscriçom no Loomio é gratuita.
- O ideal é inscrever-se com o mesmo email registado na base de dados. Após realizado o pedido, comprova-se que a pessoa solicitante está associada à AGAL e, se for este o caso, aprova-se a mesma.
- O debate será aberto e qualquer pessoa poderá ler as opinions publicadas, mas só aquelas que estiverem associadas à AGAL poderám participar e votar.
