PGL – A agrupaçom local da CNT de Compostela organiza nos próximos dias 9, 10 e 11 de Setembro a primeira ediçom da Feira do Livro Anarquista. Haverá palestras, apresentaçons e outras actividades complementárias na Casa das Associaçons, situada no bairro de Conjo.
Na quinta-feira, 9 de Setembro, terá lugar a inauguraçom da Feira por volta das 16h30. A partir desse momento estarám abertas as bancas de venda ao público. Será às 19h30 quando se celebre a primeira palestra, com Félix Rodrigo Mora, que tratará a crise e a utopia no século XXI.
Já na sexta-feira, 10 de Setembro, será a turma de Xabier Valle, quem ministrará umha palestra, também às 19.30, sob o título Cem Imagens para um Centenário. CNT 1910 – 2010, na qual falará sobre os cem anos de história da organizaçom anarco-sindical, baseando-se em 100 imagens.
O sábado 11 de Setembro, à mesma hora que as palestras dos dias anteriores, terá lugar umha mesa redonda com a participaçom de várias das editoras presentes na feira (Aldarull, FAL, LA Felguera e Estaleiro) arredor do tema Ediçom à Margem. Finalmente, às 21h30 encerrará a feira.
Actos paralelos
Paralelamente aos actos da Feira estará disponível umha exposiçom intitulada Dinamite Cerebral. O Livro anarquista na Galiza (1837 – 1974), preparada polo historiador e militante Eliseo Fernández.
Da organizaçom ponhem a disposiçom de qualquer editora que quiger participar na feira o telefone 981 590 910 e o correio compostela[arroba]cntgaliza.org.
+ Ligaçons relacionadas:
- Primeira Feira do Livro Anarquista de Compostela na web de CNT-Galiza [CNT-Galiza, 30/08/2010]
- Portal de CNT Galiza
